A Cafougnette, el ninoche,
J’ai d’mandé pourquoi i m’tot
Des bouchons d’ Champagn’ dins s’poche,
A chaqu’ fos qu’il in trouvot :

- « Bé, qu’i répond Cafougnette,
Comme’ min visin, Cahuant,
Est jaloux et malhonnête,
Je m’ moques ed’ li d’ timps in temps.

Et ces bouchons pleins d’ dorures,
Tous les lundis, au matin,
J’ les mets su m’ bac à z-ordures...
Puis, d’ lon, j’observ’ min visin.

Cha l’ fait bisquer, cha l’ démonte !
I dit in crachant s’ n’amer :
« C’ pouilleux-là, qu’mint qu’i fait s’ compte ?
I-a cor bin vécu hier ! ! »

Jules Mousseron