aller au contenu | aller au menu

Cafougnettes

La BD Cafougnette

Fameux Cafougnette !

Au point que le patronyme du héros de Jules Mousseron est devenu synonyme d'histoires drôles. Nous vous en livrons quelques unes à lire et à entendre. À noter que ces quelques pages sont extraites des œuvres complètes, éditées par Guy Cattiaux, toujours en vente et que vient de paraître le petit dernier Cafougnette en bande dessinée...

EUNE BONNE TIÊT'

À mon ami Adolphe Crauck.

Tout l' monne, ichi, dins not' pays,
Connot l'arsouille d' Cafougnette,
Et, comme in dit, tel pèr' tel fils ;
Car sin p'tiot garchon n'est point biête.

Il est au contrair', fort malin ;
Mais, s' mère all' l' laiss' trop faire à s' mote.
A l'école i' n' va point souvint.
Et, pour l'instruir', ch' n'est point commote.

Aussi, l'aut' jour, es' bonn' maman,
Dins l' ru', rincontre el maître d'école,
Et ch' l'homme, pou' s'informer d' l'infant.
Li-adresse aussitôt la parole :

- « Eh bin, madame, et vot' gamin ?
Vous l' laissez dins l' vagabondage...
Jé n' l'ai point encore vu c' matin.
I fuit l'écol' : ch'est bin dommage.

Oui, ch'est dommag', car votre enfant
Tient d' son pèr', Monsieur Cafougnette.
Ch'est un sujet intelligent :
Il a, j' vous jure, eun' fort bonne tiête. »

- Eun' bonn' tiête ? Ah ! bin oui, Monsieur,
Répond aussitôt l' ménagère.
J' cros bin qu'i a eun' bonn' tiête, m' fieu ;
I met d'jà les capiaux dé s' père ! »

Jules Mousseron

À écouter

À lire…

À lire et écouter…

xhtml • css